Шәһри Казан / Шахри Казан

Теләче районы башлыгы Айрат Фәтхуллинны җырлаттык. Бездән - җыр, сездән - ❤️

Тиздән бакча вакыты җитә бит инде. Сынамышларга карасак, әйтик, каен яфрак яргач, җир 10 градуска җылынган була. Үги ана чәчәк атканда сарымсак, суган орлыклары чәчәләр. Тал бөресе уянгач редис, укроп, салат чәчәргә була, декоратив агач-куаклар утыртырга була. Шомырт чәчәк аткач, бәрәңге, кише…

Тиздән бакча вакыты җитә бит инде. Сынамышларга карасак, әйтик, каен яфрак яргач, җир 10 градуска җылынган була. Үги ана чәчәк атканда сарымсак, суган орлыклары чәчәләр. Тал бөресе уянгач редис, укроп, салат чәчәргә була, декоратив агач-куаклар утыртырга була. Шомырт чәчәк аткач, бәрәңге, кишер, чөгендер, шалкан утырталар, чәчәк орлыклары чәчәләр. Теплицага помидор, борычны күчерәләр. Имән яфрак ярганнан соң, кыраулар булмый. Бу вакытта җылы ярата торган үсемлекләр - фасоль, кыяр, кабак, ташкабак чәчәләр. Миләш чәчәк аткач, помидор, борычны утырталар. Тагын бака кычкырганчы суган чәчәргә кирәк диләр. Сез тагын нинди сынамышлар беләсез? Эльмира Исхакова

Балачагын кем сагынмый икән, Кем юксынмый икән үткәнен? Менә мин дә, ашыкмыйча гына, Хәтер йомгагымны сүтәмен... Күп әйберләр истән чыккан инде, Онытылган байтак нәрсәләр. Тик, нигәдер, шундук искә төште Агач мәктәп, лавка, кәнсәләр... Искә төште «карга боткалары», Искә төште таяк атларым... Кул…

Балачагын кем сагынмый икән, Кем юксынмый икән үткәнен? Менә мин дә, ашыкмыйча гына, Хәтер йомгагымны сүтәмен... Күп әйберләр истән чыккан инде, Онытылган байтак нәрсәләр. Тик, нигәдер, шундук искә төште Агач мәктәп, лавка, кәнсәләр... Искә төште «карга боткалары», Искә төште таяк атларым... Кул сузымы гына җирдә кебек – И самими, гамьсез чакларым! Искә төште кучкардагы лампа, Мичтә тәгәрәткән бәрәңге... Сәндерәне, такта сәкеләрне Оныталмам инде мин мәңге. Оныталмам күәс мичкәсен дә... Истән чыкмас каен чырагы. Кара эшләпәле радионы Ничек инде истән чыгарыйм?! Искә төште шикәр кискеч белән Зур-зур шикәрләрне ватканым... Искә төште, бозда аяк таеп, Карлы суга төшеп батканым. Искә төште, тал чыбыгы тотып, Бәбкә саклап яткан чакларым... Искә төште тәүге мәхәббәтем, Аңа язган... соңгы хатларым. Урам тулы бала-чага идек... Шау-гөр килер иде бар урам... Авыл янындагы һәр әрәмә – Безнең өчен булды карурман! Һаман истә ташу киткән чаклар, Көтү көткән чаклар – чиратлап... Якын килергә дә куркыр идек Авыл читендәге зиратка. Әни... Әти... Әби искә төште... Авылдашлар... Күрше-күләннәр... Кайберләре, шөкер, исән әле, Бик күпләре инде үлгәннәр. Күп әйберләр онытылган, әйе, Күп нәрсәләр истән җуелган... Менә әле үткәннәрдә булып... ...Кайтып киләм зират буеннан. Ләбиб ЛЕРОН

Бу әсәрне, спектакльне бер тапкыр да карамаган, күрмәгән кеше берникадәр бәхетле, чөнки аның өчен Камал театрындагы премьера - “Әлдермештән Әлмәндәр” гениаль спектакль булачак. Ә инде өч дистә ел тулы заллар белән барган, классикага әйләнгән “Әлдермештән Әлмәндәр”не хәтерләүчеләргә кыенрак булыр, ш…

Бу әсәрне, спектакльне бер тапкыр да карамаган, күрмәгән кеше берникадәр бәхетле, чөнки аның өчен Камал театрындагы премьера - “Әлдермештән Әлмәндәр” гениаль спектакль булачак. Ә инде өч дистә ел тулы заллар белән барган, классикага әйләнгән “Әлдермештән Әлмәндәр”не хәтерләүчеләргә кыенрак булыр, шәт. Тулырак: https://shahrikazan.ru/news/madaniiat/aldermestan-almandar-cacaklar-iaratucy-aal-ham-iana-almandar

“Әлфия Авзалованы күрәсегез килсә, кызы Зөлфиягә карагыз”, – дигән иде бервакыт Салават Фәтхетдинов. Чынлап та, Татарстанның халык артисты, легендар җырчы Әлфия Авзалованың кызы Зөлфия Авзалова-Нигъмәтҗанова коеп куйган әнисе. Кыяфәте, холкы – нәкъ Әлфия апаныкы. Аның белән сөйләшкәндә, вакыт-вакыт …

“Әлфия Авзалованы күрәсегез килсә, кызы Зөлфиягә карагыз”, – дигән иде бервакыт Салават Фәтхетдинов. Чынлап та, Татарстанның халык артисты, легендар җырчы Әлфия Авзалованың кызы Зөлфия Авзалова-Нигъмәтҗанова коеп куйган әнисе. Кыяфәте, холкы – нәкъ Әлфия апаныкы. Аның белән сөйләшкәндә, вакыт-вакыт Әлфия апа белән сөйләшкән сыман тоела. Шундый ук ихлас, рәхәт кеше ул. – Зөлфия апа, әниегез сабый чагында ятим калып, балалар йортында үскән. Ул еллар турында Әлфия апа ниләр сөйли иде? – Әни 1933 елда Башкортстанның Краснокама районы Яңа Кабан авылында туган. Гаиләдә өч бала булганнар. Ятим калганда, әнигә – 5, сеңлесенә – 3 яшь, төпчек кызга нибары 2,5 ай булган. Әниләре 27 яшендә япь-яшь килеш тифтан вафат булган. Ә әтиләре хәбәрсез югалган. Әни әтисен хәтерләмәде, ә әнисе аз гына исендә калган. Әнисез калгач, төпчек кызны күршеләре үзләренә алган. Әмма ул балага салкын сөт эчертү сәбәпле, ул ике көннән соң үлгән. Ә әнине һәм аның сеңлесен әниләренең бертуган апасы Актанышка алып киткән. Без аңа Җыракай дибез, аның үз балалары булмады, кызганыч. 1937-38нче еллар бик авыр еллар иде, ди әни. Кеше ачлыктан интеккән. Җыракай кырда эшләгәндә, балаларга ашатырга дип, ярты стакан ярма урлаган булган. Тик аны тотканнар һәм 7 елга төрмәгә утыртканнар. Тәртибе әйбәт булгач, алданрак чыгарганнар. Югыйсә, балаларны ашатыр өчен ул шундый адымга барган. Җыракай булмагач, әнине һәм аның сеңлесен икесен ике төрле балалар йортына урнаштырганнар. Әни Актаныш районы Яңа Әлем авылында булган. Каникул вакытларында аларны Җыракай килеп алган, ташламаган. – Сеңлесенең язмышы ничек булды? – Сеңлесе Флюра апа 37 яшендә яман чирдән вафат булды. Ә ире ике ай алдан үлде. Алты балалары калды, кечкенәсенә 9 ай гына иде. Әни бик елады, борчылудан тавышы бетте. Ул Флюра апаның балаларын ташламады, һәркайсын урнаштырды. Әни гомер буе гадел, киң күңелле булды. Аның белән базарда, кибеттә йөрү авыр иде, чөнки ул бөтен кеше белән туктап сөйләшеп тора иде. – Әлфия апаның сәләтен кем күреп алган, Казанга ничек килгән ул? – Җиденче сыйныфтан соң, әнине матур җырлый дип, Актаныш клубына эшкә чакырганнар. Авылга берәр артист концерт куярга килсә, әнине – һәвәскәр башкаручыны шул концертка чакыра торган булганнар. Баянчы Хәмит абый әни белән ничек чыгыш ясаганнарын гел сөйли иде. Ул күптән түгел 92 яшендә вафат булды. Бервакыт авылга концерт белән Рәшит Ваһапов килгән. Ул әнинең җырлавын тыңлагач, Казанга барырга киңәш иткән. Күпмедер вакыттан соң, авылга Казан дәүләт җыр һәм бию ансамбле килгән. Элек бит концертлар кырда, йөк машинасы арбасында булган. Әни дә шулай концерт куя иде. Яңгыры да, суыгы да, җылысы да булгандыр инде. Әни шул ансамбльгә ияреп диярлек Казанга киткән. Җыракай да әнигә хәер-фатихасын биргән. Инде ике айдан соң әни ансамбль солисты булып эшли башлый... Эльвира Шакирова

Казанның "Ак Барс" командасы, овер-таймда булса да, Минск "Динамо"сын 5:4 исәбе белән җиңүгә иреште. Сериядәге исәп - 2:0, казанлылар файдасына. Исегезгә төшерәбез, серия бер команданың дүрт җиңүенә кадәр дәвам итә. Алдагы ике уен Казанда узачак. Күп итеп ❤️ куйыйк әле безнекеләргә!

Буыннар авыртуы белән интеккән ирен, үгетләп диярлек шифаханәгә җибәрә ул. Ишетә – ире сөяркә сөя... Тез астына китереп суккан яман хәбәрдән хатын аңын җуя. Ир бирмәк җан бирмәккә тиң газаплы икәнлеген дә шул чакта аңлый ул. – Үзеннән алда хәбәре кайтып керде авылга. Барып, иреңнең якасыннан җилтер…

Буыннар авыртуы белән интеккән ирен, үгетләп диярлек шифаханәгә җибәрә ул. Ишетә – ире сөяркә сөя... Тез астына китереп суккан яман хәбәрдән хатын аңын җуя. Ир бирмәк җан бирмәккә тиң газаплы икәнлеген дә шул чакта аңлый ул. – Үзеннән алда хәбәре кайтып керде авылга. Барып, иреңнең якасыннан җилтерәтеп алып кайт, диделәр миңа. Балалар бакчасына тәрбияче булып эшкә кергән идем. Укырга җибәрделәр... Тулырак: https://shahrikazan.ru/news/iazmys/balasyn-iugaltkan-ani-tarixy-tereler-dip-uilagan-ide

Сүз уңаеннан, Мамадыш районы башлыгы Вадим Никитин бу шигырьне үзе язган. 10 ел элек. Узган ел Мансур Шиһапов исемендәге Яшь каләмчеләр бәйгесенә йомгак ясаганда, Вадим Никитин 8 яшьтә язган шигырен сөйләгән була. Быел 10 ел элек язган шигырен сөйләде. Афәрин!