Захар Никитин

Дойдубар "Толкуйдамматах түгэннэр" мин кэпсээннэрбэр олоҕурбут дьүһүйүүнү көрдөрдүбүт. Биир дойдулаахтарым харахтарын далыгар ааспыт оҕо сааһым күлүм түгэннэрэ, хатыламмат кэмнэрэ көстөн ааспытыттан долгуйдум. Аҕабын, убайдарбын санаан харааһынным... Таратым дьонугар барҕа махтал!

Бэҕэһээ, муус устар 9 күнүгэр "Сэргэлээх уоттара" култуура киинигэр, РФ үөрэхтээһинин бочуоттаах үлэһитэ, СӨ үөрэҕириитин туйгуна, элбэх ыччаты ырыа кэрэ эйгэтигэр уһуйбут Альбина Антоновна Находкина айар үлэтин 30 сылыгар аналлаах, «Оҕо сааһым ой дуораана» диэн Төҥүлү ыччатын эҕэрдэ кэнсиэрэ буола…

Бэҕэһээ, муус устар 9 күнүгэр "Сэргэлээх уоттара" култуура киинигэр, РФ үөрэхтээһинин бочуоттаах үлэһитэ, СӨ үөрэҕириитин туйгуна, элбэх ыччаты ырыа кэрэ эйгэтигэр уһуйбут Альбина Антоновна Находкина айар үлэтин 30 сылыгар аналлаах, «Оҕо сааһым ой дуораана» диэн Төҥүлү ыччатын эҕэрдэ кэнсиэрэ буолан ааста.   Альбина Антоновна «Бабочкалаах уолаттар 2»  уонна «Ой дуораана» ырыа бөлөхтөрүн төрүттээччилэрэ. Кини салалтатынан ансаамбыл оҕолоро Сахабыт сирин эрэ буолбакка, Арассыыйа уонна тас дойдулар бастыҥ сыаналарыгар ыллаабыттара. 30  сыл устата хас эмэ көлүөнэ Төҥүлү ыччата ырыа-тойук кэрэ эйгэтигэр уһуйуллан тахсыбыттара.   Ырыаҕа тойукка уһуйарын таһынан, Альбина Антоновна анал байыаннай дьайыыга сылдьар биир дойдулаахтарбытыгар кэмпилиэк таҥас, дурда-хахха тигэр  «Илии сылааһа» уопсастыбаннай иистэнэр сыах Төҥүлүтээҕи салаата көхтөөх кыттааччыта. Ону таһынан, кини сыллата аймахтар лааҕырдарын тэрийэн үлэлэтэр.   Бүгүн улуус, нэһилиэк биир киэн туттар, ытыктыыр киһитигэр, Альбина Антоновнаҕа, Төҥүлү нэһилиэгин бочуоттаах олохтооҕун үрдүк аата иҥэрилиннэ.   Бу бэлиэ түгэнинэн, айар үлэҥ 30 сылынан, күндү киһибитин, Альбина Антоновнаны өссө төгүл ис сүрэхпиттэн эҕэрдэлиибин! Доруобай, чэгиэн-чэбдик буол, бары үтүө баҕа санааларыҥ туоллуннар. Эн үлэҥ-хамнаһыҥ таһаарыылаах буоллун, үтүөнү үксэтэр үтүө дьыалаларыҥ элбии турдуннар!

Бүгүн, муус устар 7 күнүгэр, СӨ Норуодунай артыыһа, РФ култууратын үтүөлээх үлэһитэ, Саха АССР үтүөлээх артыыһа, А.Е. Кулаковскай аатынан Судаарыстыбаннай бириэмийэ лауреата, Дьокуускай куорат уонна Уус-Алдан улууһун бочуоттаах олохтооҕо Афанасий Семенович Федоров 85 саастаах үбүлүөйүн бэлиэтиир үөр…

Бүгүн, муус устар 7 күнүгэр, СӨ Норуодунай артыыһа, РФ култууратын үтүөлээх үлэһитэ, Саха АССР үтүөлээх артыыһа, А.Е. Кулаковскай аатынан Судаарыстыбаннай бириэмийэ лауреата, Дьокуускай куорат уонна Уус-Алдан улууһун бочуоттаах олохтооҕо Афанасий Семенович Федоров 85 саастаах үбүлүөйүн бэлиэтиир үөрүүлээх күнэ.     П.А. Ойуунускай аатынан Саха академическай тыйаатырга, ытык-мааны киһибитин, Афанасий Семенович 85 сааһын туолар үбүлүөйдээх күнүнэн,  СӨ Норуодунай артыыһын үрдүк аатын ылбытынан Саха Өрөспүүбүлүкэтин салалтата, общественноһа, доҕор-атас дьоно, бииргэ үлэлээбит кэллиэгэлэрэ, үөрэппит оҕолоро дьоро түһүлгэҕэ мустан эҕэрдэлээтибит.   Өрөспүүбүлүкэ култууратын, театральнай ускуустубатын сайдыытыгар бөдөҥ кылаатын, саха норуотун төрүт култууратын, сиэрин-туомун, үгэстэрин үйэтитиигэ өр сылларга үлэлээбит үтүөтүн сыаналаан, СӨ Норуодунай артыыһын үрдүк аата иҥэриллибитинэн, Өрөспүүбүлүкэ Ил Дарханыгар Айсен Сергеевич Николаевка махталбын биллэрэбин.     Өссө төгүл ытыктыыр, убаастыыр киһибитин, Афанасий Семеновиһы, өрөгөйдөөх үбүлүөйгүнэн ис сүрэхпиттэн итиитик-истиҥник эҕэрдэлиирбин! Баҕарабын чэгиэн-чэбдик доруобуйаны, туйгун туругу, нус-хас уһун дьоллоох олоҕу! Өссө да өр сылларга дириҥ бөлүһүөктүү толкуйгунан, үтүө-мааны майгыгынан бар дьоҥҥун араҥаччылыы, алгыс тылгын тиэрдэ сырыт диэн баҕа санаабын этэбин!

Бүгүн үөрүүлээх сонун Кытай Норуодунай Өрөспүүбүлүкэтин, Гирин провинциятын Яньцзи куоратыттан көтөн кэллэ.   Муус устар 2-4 күннэригэр Яньцзи куоракка «ВИВА Яньцзи - 2026» диэн Аан дойдутааҕы бэстэбээл буолан ааста. Манна Мэҥэ Хаҥалас улууһун, Дьаҥхаады нэһилиэгин, Төхтүрдээҕи оҕо ускуустубатын оск…

Бүгүн үөрүүлээх сонун Кытай Норуодунай Өрөспүүбүлүкэтин, Гирин провинциятын Яньцзи куоратыттан көтөн кэллэ.   Муус устар 2-4 күннэригэр Яньцзи куоракка «ВИВА Яньцзи - 2026» диэн Аан дойдутааҕы бэстэбээл буолан ааста. Манна Мэҥэ Хаҥалас улууһун, Дьаҥхаады нэһилиэгин, Төхтүрдээҕи оҕо ускуустубатын оскуолатын иһинэн үлэлиир «Манчаары» үҥкүү ансаамбыла Муҥутуур кыайыылаах (Гран-при) үрдүк аатын ылла. Ансаамбыл салайааччыта СӨ култууратын туйгуна Татьяна Егоровна Говорова.   Санатар эбит буоллахха, «Манчаары» үҥкүү ансаамбыла былырыын СӨ бастакы Бэрэсидьиэнэ М.Е. Николаев олохтообут «Музыка барыбытыгар» бырайыак иитинэн тэриллэр Өрөспүүбүлүкэтээҕи көрүүгэ «Үҥкүүнү толоруу» номинацияҕа муҥутуур кыайыылаах аатын ылбыттара.   Бу кыайыыларынан ансаамбыл иитиллээччилэрин, эдэр, кэскиллээх салайааччы Татьяна Егоровна Говорованы уонна Төхтүрдээҕи оҕо ускуустубатын оскуолатын кэлэктиибин итиитик-истиҥник эҕэрдэлиибин. Инникитин даҕаны үгүс оҕону саха үҥкүүтүгэр, култууратыгар уһуйан, Аан дойду таһымыгар таһаара туруҥ диэн баҕа санаабын этэбин.

Охонооһой Сэмэнэбис 85 сааһын көрсөр дьоро түһүлгэтэ!

Ааспыт өрөбүллэргэ, Горнай улууһун киинигэр Бэрдьигэстээххэ, СӨ култууратын туйгуна, Солоҕон нэһилиэгин бочуоттаах олохтооҕо, үөрэхпит кыһатын 1990 сыллаах выпускнига Игорь Иванович Иванов сырдык кэриэһигэр анаммыт «Көрү-нары оройуттан тутан» аһаҕас Өрөспүүбүлүкэтээҕи күөн-күрэс ыытылынна.   Көрүү к…

Ааспыт өрөбүллэргэ, Горнай улууһун киинигэр Бэрдьигэстээххэ, СӨ култууратын туйгуна, Солоҕон нэһилиэгин бочуоттаах олохтооҕо, үөрэхпит кыһатын 1990 сыллаах выпускнига Игорь Иванович Иванов сырдык кэриэһигэр анаммыт «Көрү-нары оройуттан тутан» аһаҕас Өрөспүүбүлүкэтээҕи күөн-күрэс ыытылынна.   Көрүү күрэххэ 9 улуустан, Дьокуускай куораттан кэпсэтии уонна оригинальнай жанр көрүҥнэригэр биирдиилээн уонна бөлөҕүнэн кыайар иһин үгүс кыттааччы күрэстэстэ. Ыраах улуустартан Эдьигээнтэн, Дьааҥыттан тиийэ кэлэн кыттыыны ыллылар.   Дьүүллүүр сүбэ уопсайа 60 нүөмэри көрөн, 23 номинацияҕа бастыҥнары быһаарда. Муҥутуур кыайыылаахтарынан, Уус-Алдан улууһун Бороҕон нэһилиэгиттэн, «Бэрт бэтиэхэлэр» бөлөх буоллулар.   Биһиги үөрэхпит кыһатын СКД-25 салаатын устудьуоннара бөлөҕүнэн көрүүгэ «Бастыҥ күргүөмүнэн кыттыы» анал ааты ылан, Солоҕон нэһилиэгин олохтоохторо туруорбут харчынан бириэмийэлэринэн наҕараадаланнылар.   Биир дойдулаахтарым,  М.Р. Цыпандин салайааччылаах Тараттааҕы култуура уонна спорт киинин үлэһиттэрин «Дьаралык» бөлөҕө Солоҕон нэһилиэгин дьаһалтата туруорбут анал бирииһин хаһаайыттарынан буоллулар.   Выпускникпыт кэриэһигэр ыытыллыбыт күрэххэ анаан үөрэхпит кыһата  туруорбут бирииһин кыайыылаахтарынан, Солоҕон нэһилиэгиттэн, Татьяна Корякина («Бастыҥ монолог ааҕааччы») уонна Ньурба улууһун Чуукаар нэһилиэгиттэн, Ульяна Иванова («Кэскиллээх монолог») ааттаннылар.   Күрэх муҥутуур кыайыылаахтарын, анал аат хаһаайыттарын тэрээһиҥҥэ кэлэн ситиһиилээхтик кыттыбыккытынан ис сүрэхпиттэн эҕэрдэлиибин! Инникитин да маннык хабааннаах тэрээһиннэргэ көхтөөхтүк кытта туруҥ, талааҥҥытын арыйа, дьоҕургутун сайыннара сылдьыҥ!

Сегодня, 6 апреля, отмечается Международный день спорта на благо развития и мира. С чем и поздравляю спортсменов, любителей и ценителей активного образа жизни! Наш Якутский колледж культуры и искусств хоть и имеет творческую направленность, но со спортом коллектив и студенты дружат. Ежегодно прох…

Сегодня, 6 апреля, отмечается Международный день спорта на благо развития и мира. С чем и поздравляю спортсменов, любителей и ценителей активного образа жизни! Наш Якутский колледж культуры и искусств хоть и имеет творческую направленность, но со спортом коллектив и студенты дружат. Ежегодно проходит внутриколледжная студенческая спартакиада, работает студенческий спортивный клуб «Бэргэн», преподаватели ЯККиИ участвуют в спартакиаде профсоюза работников культуры. В этом учебном году на спортивном небосклоне ЯККиИ зажглись новые таланты среди первокурсников. Так, студентка отделения «Социально-культурная деятельность» Алекса Кириллова успешно выступила на республиканском турнире по мас-рестлингу «Саҥа ааттар» и чемпионате «Бас Күрэс» имени Гавриила Десяткина-Куустээх Дьээккин, выполнив норматив кандидата в мастера спорта по национальному многоборью. Первокурсница отделения «Хореографическое творчество» Саида Слепцова завоевала сразу четыре медали республиканского турнира по настольному теннису «Кубок Заполярья-2026» – два «золота» за первые места в парном женском разряде и общекомандном разряде, «серебро» в личном зачете и «бронза» в смешанном разряде. Первокурсница отделения «Этнохудожественное творчество» Диана Мултусова стала победительницей в дисциплине «Троеборье» на Республиканском турнире по национальным настольным играм хабылык и хаамыска, посвященном памяти Андрея Петровича Ушницкого. Ну как не упомянуть дартс! В прошлом году меня избрали президентом Якутской Федерации дартс. С тех пор работа кипит – проводим соревнования, в том числе чемпионат и первенство республики, всеми силами популяризируем этот вид спорта среди якутян. Радует, когда наши студенты достигают успехов не только в учебе и творчестве, но и в спорте. Именно спорт наполняет жизнь силой, радостью и гармонией, позволяет разносторонне развиваться. Как говорится, в здоровом теле – здоровый дух!